مرثية الشيخ زيد الزياد للشاعر خلف الخطيمي

 في تطبيق بني خالد وللمرة الثانية يعاد نشر هذا الرثاء الفاخر الزاخر
في نجم من نجوم الكرم و النبل واحد أعمدة النخوة ومدرسة من مدارس الرجولة العم الشيخ زيد بن عبدالرحمن ال زياد الخالدي
يصورها ويكتبها بقلبة وعمقة الشاعر الدكتور خلف حمود الخطيمي


الله يصبرنا على طيحة السيف
وعزي لكف الجود لا طاح سيفه

النجم لا من طاح طيحة مراديف
مير القمر لا طاح منهو رديفه

هذاك ابو صالح زبون الملاهيف
من غيث جوده سال وادي حنيفه

داره ربيع القوم في كنة الصيف
نسناس واحه بالسنين المخيفه

فرقاه ماتسعد سوى الكبش للضيف
وخدام ربعه جو بعداد ضيفه

فمه يجيب الناس بالطيب لا حيف
وعينه عن عيوب الجماعه كفيفه

ياثقل نفسه في نفوس الملاقيف
ونفسه على نفوس النشامه خفيفه

فعله اشهوده ما يزكيه تعريف
تلقاه بدروب الفجوج الشريفه

حكيم نظره ما يعسر التواصيف
ان قال يعني والمعاني عفيفه

انا اشهد انه عزوة ٍ للمكاتيف
واللي زمانه كتفه في رغيفه

ربع تجي وربوع راحوا مناكيف
قوافل الضيفان مركز مضيفه

واللي يعزيني خشومٍ مراهيف
سيوف ال زياد من خشم سيفه