• ×

01:04 مساءً , الأربعاء 18 شعبان 1445 / 28 فبراير 2024

قصيدة(وش اللي يعطب الروح) الشاعر / حسن بن فهد آل طلحاب العقيلي الخالدي

زيادة حجم الخط مسح إنقاص حجم الخط
 قصيدة(وش اللي يعطب الروح)
الشاعر / حسن بن فهد آل طلحاب العقيلي الخالدي

تدري وش اللي يعطب الروح ياسعود
وياسم على كبد الرجال السعيرة

ويضرب على صدري كما ضرب بارود
ويصبح لذيذ العيش مثل المريرة

ثنتين لا راحت ترى يصعب تعود
فرقى حبيب به حياتي منيرة

داره بعيدة وداخل العين موجود
ومن البلاوي داعي الله يجيرة

والله لولا السر وأيمان وعهود
لسوقها يمه ولا عيش حيرة

والثانية لامن تغير هل الجود
أهل الوفاء وأهل الفعول الكبيرة

ياصل لهام العز يرقى لها سنود
واليوم مايعرف ولا بأي ديرة

واليوم يجزاني من الطيب بجحود
والكل له فاله ويعرف مصيرة

ببقى على طيبي وله ثوب منقود
كانه تغير ناجد اليوم غيرة


الشاعر / حسن بن فهد آل طلحاب العقيلي الخالدي
ليلة الجمعة 29محرم لعام 1439 هجري
سناب /hfmtk

بواسطة : admin
 0  0  2.6K
التعليقات ( 1 )

الترتيب بـ
الأحدث
الأقدم
الملائم
  • #1
    09-20-1439 05:24 صباحًا عابر سبيل :
    القصيدة كلام مسترسل ليست بقصيد