• ×

12:37 مساءً , الجمعة 19 رمضان 1445 / 29 مارس 2024

قصيدة إهداء إلى ابن العم الشيخ / مانع بن عبدالعزيز ال مانع العقيلي الخالدي(أبوهلال)

زيادة حجم الخط مسح إنقاص حجم الخط
 قصيدة إهداء إلى ابن العم الشيخ / مانع بن عبدالعزيز ال مانع العقيلي الخالدي(أبوهلال)

صوت لنا مانع وفي الحال بنجيب
لزمن علينا انجيب ماهي كرامه

بعد المسافه في اللوازم ترى اقريب
ماعاقني لو هي بتالي تهامه

ضريت عمري وخضت كل التجاريب
منهو بلا ربعه هشاش حزامه

يابو هلال حنا حزامك فلا تهيب
ياللي على الصعبات تملك زمامه

في موقف الفزعات حاضر ولا يغيب
مانع فخر ربعه وعالي مقامه

قرم مجرب شام نفسه عن العيب
مسكنه عالي يوم غيره هدامه

مانع ليا سند فيطربك تطريب
يشوش راسي جعل عمره سلامه

يابو هلال تزداد طيب مع طيب
مجمل ربعك ولا به ملامه

فعلك كما شمس منيرة بلا ريب
ولا قمر كامل مجلي ظلامه

كفك ندية بالعطايا ولا يخيب
منهو نصاكم مرتوي من غمامه

تستاهل المدحه ورفعه وترحيب
نلت الشرف وافي وتكسب وسامه

ترى الكبار اللي تبي طب وطبيب
حلالها مانع بحلم وفهامه

ويالله ياللي تعلم الجهر والغيب
ياللي لدرب الحق تجعل علامه

تجزي ابو هلال بخير له اقريب
هذا ختام القول ويا تمامه

الشاعر /حسن بن فهد آل طلحاب العقيلي الخالدي
1438/7/7

سناب /hfmtk

بواسطة : admin
 0  0  2.6K
التعليقات ( 0 )