• ×

03:46 مساءً , السبت 20 شوال 1443 / 21 مايو 2022

#قصيدة الشاعر عبدالله خالد الخالدي #في الاخ عبدالله بن أحمد الخالدي

زيادة حجم الخط مسح إنقاص حجم الخط
ابوصقرالنهدي #قصيدة الشاعر عبدالله خالد الخالدي
#في الاخ عبدالله بن أحمد الخالدي
رابط الفيديوعلى #قناة_بني_خالد https://youtu.be/ANXYl7KU4zM
سلام يا راس الرجال المناعير
يا ذروة الامجاد عز وبساله

يافزعة اللي قلبته المقادير
يا راس مال الجود واكبر عياله

لا فز عبدالله تزول المعاثير
ابو ذياب ونعم في كل حاله

راس السياسب ما يقدم معاذير
يجيك كله دوم من طيب فاله

وين الغرابه والمواقف معايير
هو من أهل العليا رجال الجماله

له كنه باللقى سالم الزير
وإذا تقدم كن ابوزيد خاله

له كف حاتم باليسر والمعاسير
يقدح سطر يصدح شموخ وشكاله

ما عنده الا تم وأبشر بكل خير
ومن كثر وقفاته قسم كنها له

ما قالها تصريف او ناوي غير
لا قالها يوفي ولو من حلاله

كن الندى والغيث عنده مسايير
عبدالله الزبروم زانت خصاله

ولا يداني بالثقيلات تبرير
ماعنده انطر يوم جاله مجاله

عند الضنك كنه سرية مغاوير
للخالدي يفزع بحاله وماله

حتى لغير الخالدي هد كالطير
اهم شيء انه نصاه وعنى له

فخر يا بوذياب ومعاك تباشير
يا عزوة اللي ضاق مما جرى له

ذخر وسطر يا عزوتي دايم مجير
يا سيف مجرب ويلمع نصاله

يا الجود يا صمصمام وازكى التعابير
سلالتك يا طيبها من سلاله

ياراعي العليا فعولك مغاتير
عبدالله أبوذياب راس الجماله

بواسطة : admin
 0  0  1.9K
التعليقات ( 0 )