• ×

03:03 مساءً , الإثنين 13 شوال 1445 / 22 أبريل 2024

#المجلس #قصيدة #الشاعر #خالد_الدليهي

زيادة حجم الخط مسح إنقاص حجم الخط
فهدالرحيل #المجلس #قصيدة #الشاعر #خالد_الدليهي
رابط الفيديو على #قناة_بني_خالد https://youtu.be/p6fZyo4yx-E
المجلس اللي مدهلٍ للمهابيل
تشريع بابه ياجماعه خساره

ماهو بملفى للرجال المشاكيل
ومعزب الضيفان مابه نعاره

ولافيه دلة بن وامقنده هيل
والعود الازرق بدلوه ابزقاره

يدور به شذب العراقيب والقيل
غاره على المقفي وللجاي غاره

مجمع ردا يحرم عليه الحلاحيل
ماينلقى اللي بينهم به نداره

ياسعود شم عنهم ورح للرياجيل
عمار قلبك عندهم في دماره

لاتفتح ألنفسك افجوج ومداخيل
ارفع مقامك عن علوم الحقاره

اوزن مواطي خطوتك بالمكاييل
عشان تعّرف بالضفر والسطاره

ياسعود جنب عن قليل المحاصيل
اللي حياته كلها بالدشاره

عليك باللي دايمٍ يعدل الميل
اللي مع الاجواد مشبوب ناره

هذي نصيحه صغتها بالتماثيل
والحر يفهم مقصدي بالاشاره

بواسطة : admin
 0  0  974
التعليقات ( 0 )