• ×

12:59 صباحًا , الثلاثاء 21 ذو الحجة 1441 / 11 أغسطس 2020

#قصيدة #الشاعر #حمدالدليهي في #حفل #قبيلة #بني_خالد #حفرالباطن على شرف #سمو #الأمير #منصور_بن_محمد_بن_سعد_آل_سعود #محافظ #حفرالباطن

زيادة حجم الخط مسح إنقاص حجم الخط
ضيف الله الحدار #قصيدة #الشاعر #حمدالدليهي في #حفل #قبيلة #بني_خالد #حفرالباطن
على شرف #سمو #الأمير
#منصور_بن_محمد_بن_سعد_آل_سعود
#محافظ #حفرالباطن
الاثنين /16/6/1441 الموافق
حفل الحفر
#رابط #الفديوه #على #قناة #بني_خالد
https://youtu.be/KkBUh5XNVx4

النور شعشع وزاح الليل وسدوله
واكتفّتْ اللي على العتمه سرايدها

واخذت لي في مساحات الفكر جوله
اترك مخاسيرها واشري فوايدها

معاني الشعر منقوضه ومفتوله
والذايقه ماتحب الا فرايدها

في حزةٍ يتعب الشاعر على قوله
قريحته ماتخونه في قصايدها

واليوم ليل الحفر حفله على اصوله
بْحضور اميرٍ كسب رغبة بدايدها

منصور من حل .. حل .. وحلّت افضوله
له منجزاتٍ كثير الناس شايدها

والحزم له عاصفة والشعب له دوله
دولة فخر والملك سلمان قايدها

الحاكم اللي يْبرهن قوله افعوله
ماهي تصاريح تنشر في جرايدها

جمايله في بطون الشعب مشموله
وشعوب تحتاج فزعاته سنايدها

يوم اعلن الحرب صار وطقة طبوله
كرامة العُرب في ماصار عايدها

خلا اليمن بالفضاء والارض معزوله
ماينثني دونها والرعب سايدها

شاور شيوخ الخليج وقدموا زوله
والسيطرة مملكتنا من عوايدها

شنّتْ على الحوثي وشنت على فلوله
غاراتها مستمره خاب صايدها

حنا نبايع وضد افكار مشلوله
ولانْفاوض نواقصها وزايدها

برقابنا سمعة الأسلام محموله
ونذوُد عنْها لياحلّت شدايدها

تمت وعطر الكلام الزين مدلوله
من شاعرٍ باحت شعوره جدايدها



الشاعر : حمد سعد الدليهي الخالدي

بواسطة : admin
 0  0  238
التعليقات ( 0 )