• ×

10:21 مساءً , الإثنين 15 ذو القعدة 1441 / 6 يوليو 2020

حمامه وراعي

زيادة حجم الخط مسح إنقاص حجم الخط
ابوصقر النهدي #شعراء_بني_خالد
#بني_خالد

العقل زين وناقص العرف ملقوف
واللي مايسوى ماوراه اندفاعي

اشره على الجزلين مااشره على ضعوف
دربي عن دروب الضعوف ارتفاعي

مادامني معروف والساس معروف
جنبي قوي ضد انفراد وجماعي

ماضاع لي واجب ولا اعطية منصوف
مجملٍ شبري على طول باعي

الاذن تسمع قبلها عيني تشوف
عقلي قبل شوفي وقبل استماعي

مالد بالي في صدى كل معزوف
حكيٍ يردد لي ماسبب اصداعي

مانيب ملزم في براهين واحلوف
ادعس على روس الدبا والافاعي

ماني على فكر المخاليق مكلوف
اللي تْجيّش لي هجوم ودفاعي

صاروا معي والا غدوا ضدي صفوف
من دونهم فكري محصّن وواعي

قصايدي في فالهن سببٍ خوف
هزن لهن غصن وحمامه وراعي

واللي حفر عن مذبحه صار مكشوف
واللي تخفى مالنا فيه داعي

الفرق واضح بين عايف ومعيوف
واطباعه الشحاذ تفرق طباعي

حبة خشم ماعاد وملامس كفوف
هذي حقيقة وجهتي وانطباعي

يروح مرواح القطا جعله ذلوف
واخير من وصل الشكوك انقطاعي

كلمه وكاتبها على نقاط وحروف
فيها ذكرت اسمه قصير الذراعي

واللي ذكي ماتجهله سالفة نوف
اللي شراء فيها مقامه وباعي


#حمد_الدليهي

بواسطة : admin
 0  0  120
التعليقات ( 0 )