• ×

08:14 صباحًا , الجمعة 24 ذو الحجة 1441 / 14 أغسطس 2020

#قصيدة #عبدالرحمن_بن_سعد بن #حمود #الخالدي (ابوسيف) في #العرافا..بني خالد

زيادة حجم الخط مسح إنقاص حجم الخط
دهام الرطبي #قصيدة #عبدالرحمن_بن_سعد بن #حمود #الخالدي (ابوسيف)
في #العرافا..بني خالد:::
#رابط #الفديو #على #قناة
#بني_خالد
https://youtu.be/MeV14aO7zxQ


كل نجم في تواليي الليل هاوي

سابره من مطلعه حتى مغيبه

وكل ذيب في حجا المزموم عاوي

جاوب الونّات في صدري قنيبه

ناويٍ يا هاجسي ويش انت ناوي ؟

والله إنْ مرماي في كبد الضريبة

استوى الطاروق والخاطر نحاوي

والفرايد في يدي مثل السبيبة

ريّعت الأفكار واللحن متساوي

واللحون تطيعني ما هي غصيبة

القصيد يزين في كبار الهقاوي

والمديح يزيده الممدوح هيبة

خابرٍ المجد عن مدحي غناوي

والسكات إليا سكتنا ما يعيبه

احسب الميراد للعد الرهاوي

واترك المغيال لا تشرب سريبه

واردْ جم لا ورد تسعين راوي

صدّروا عن ماه ما غاضو قليبه

من لقلبٍ من هموم الديَّن غاوي

كل همٍ عايرٍ لازم يصيبه

لا غشاه الليل جاه الهمّ ضاوي

غاديٍ مدهال للهمّ وزريبة

كل جرح لا انجرح يلقى مداوي

غير جرح الدَّين من يلقى طبيبه

العلوم علوم والدعوى دعاوي

والأمور النايدة صارت قريبة

والحمول ثقال والمرحول ثاوي

ما يودّي راكبه ولا يجيبه

الديون غبون والديان طاوي

يطوي المديون والمحصول خيبة..

ما يجوز لك الزّهم ولاالشكاوي

غير عند معرّب كفه عطيبة

ما يجوز لك الزَّهم ما دمت قاوي

لين تاصل عند من طيبه نديبه

عند قوم مجدهم مجدٍ سماوي

ماخذينه غصب ما جاهم بطيبة

من بني خالد مطوّعة العصاوي

لين يركع غصب ويسوق الضريبة

من بني خالد مدلّهة الجلاوي

لا حداه الشين والوقت وطليبه

من بني خالد مليّنة القساوي

لا زما بالكبر لين يبين غيبه

العرافا سّم في كبد المناوي

هم عمى عينه وهم همّه وشيبه

والعرافا طيبهم ما له مساوي

لا تفاخر كل رجالٍ بطيبه

هم بلاوي لا بدا وجه البلاوي

وهم مصايب لا ظهر وجه المصيبة

هم هل الوقفات في يوم العزاوي

وهم هل الغلبات في يوم الغليبة

هم هل الخوّة ليا ذلّ المخاوي

لا تبرّى من ذوي القربى قريبه

الصبي منهم لفعل الطيب هاوي

وأجزل الجزلات ياخذها نصيبه

كفّ حاتم جود مع قلب العطاوي

لا التقى الحرّاب في الماقف حريبه

هم ذرى المضيوم هم ريف الشقاوي

هم حياض الموت في يوم الحريبة

هيبة الحكام وأصحاب الفتاوي

للعرافا خصلة ما هي غريبة

في رواية مجدهم مع كل راوي

يتعب الكتّاب ما يحصي كتيبه

عدني الفنجال يا راع القهاوي

كان فيهم هقوتي ما هي مصيبة


عبدالرحمن بن سعد بن محمد بن حمود الخالدي

بواسطة : admin
 0  0  117
التعليقات ( 0 )