هذا مـحل محمد هو و براك

ابوصقر النهدي هذا مـحل محمد هو و براك
هذي منـــــازلهم علينا ثلوبي

قم يانديبي فوق منبوز الاوراك
حـر لاحــــرك مسيرة يهــومي

ولاجيت نوخ على الشيخ براك
سلم عليه و بخصه في علومي

وسلم على ابوماجد يوم وافاك
الشايب اللي جعل عمره يدومي

واليا ذبح جاب الشوايا بمشكاك
والورع وافي حقه بالســـهومي

والا غبت عنه ساعة قال مبطاك
وان قمت منه قال وين بتقومي

ياعل لســاب العــراقيب يفداك
دقاق بالغيـــبات تـــرب نمومي

#الشاعر #شبيب_بن_محمد _المهاشير
في #الشيخ براك بن طلمس بن عريعر
والشيخ محمد بن سرداح بن عريعر
رحمهم الله

ارشيف الشيخ/نهار بن محمد بن سرداح بن عريعر
شيخ شمل قبيلة بني خالد