• ×

02:13 مساءً , الأربعاء 2 رمضان 1442 / 14 أبريل 2021

#الشاعر #حسن بن فهد آل طلحاب #العقيلي الخالدي #قصيدة مهداه إلى ربعي #ومحزمي (لاد العقيلي)

زيادة حجم الخط مسح إنقاص حجم الخط
دهام الرطبي #الشاعر #حسن بن فهد آل طلحاب #العقيلي الخالدي
#قصيدة مهداه إلى ربعي #ومحزمي (لاد العقيلي)
#رابط #الفديو #على #قناة #بني_خالد
https://youtu.be/c6QfuCHzcLQ


قصيدة مهداه إلى ربعي ومحزمي (لاد العقيلي)

سهرت الليل ماسهرني تجافي
******** ** ولا شوقي لضافية الغدافي
يسامرني هجوسي واتهيض
********* وليلي لا سرى ماهوب غافي
على خف الجمال يزين طرقي
******** ولأدهم مركبي مانيب حافي
ومن عقبه على جنحان طاير
**** ***** يجوب ديار ما لحقه كلافي
أفكر واتفكر وتبصر
************** أريتك يازمن تاريخ وافي
ألا يا سامعي شرعت فكري
************ لبستانٍ حوى زين القطافي
ابقطف واتنقى واتحلوى
** **** وغوص ابحور وغرفها غرافي
حمست البن بريٍ يماني
***** ***** نزيد الحمس لكن بحترافي
ونطبخها على نارٍ سويه
***** ******** ألا يا مرحبا يا خير لافي
نزيد الهيل وشوية عويدي
**** **** مع نْقِيلٍ عسى جعله عوافي
به اخلاصٍ غدا كالذهب لونه
* ** ** قدوعٍ قد حشي ما جاه سافي
على مركا ومسباح بيميني
*** ** سنا ضوي شعم ماهوب طافي
سلام الله من اعقيلي لربعه
*** **** عقيلي يحتمي صعب المقافي
سلام الله على لابه تنومس
************** كبار عقول وقلوبٍ نظافي
ابمدحكم كريمين السجايا
********* ونور الشمس مافيه اختلافي
ولولا طيب ربعي كان قافي
**************** رمادٍ طايرٍ ماهو يشافي
أسند صوب تاريخٍ يجمل
******* *جدودي فعلهم ماهوب خافي
عقيلي والعقيلي صلب جدي
***** جبورٍ قسمهم في الطيب وافي
جبورٍ قد بنو تاريخ دوله
**** *** وساس الحكم لجبورٍ يضافي
ولو بسرد فعولٍ قد كسبنا
** **** نطق شعري ترى مانيب كافي*
دعاني هاجسي ملزوم لكتب
****** * ** * بتاريخٍ لنا مجمولٍ صافي
حسينٍ المبتدى أنعم وأكرم
******** ** * * وسيفٍ للعدا سمٍ زعافي
وجاء عقبه سلاطينٍ تهيمن
************* جميع العالم اتقر اعترافي
ألا يا جدنا حاكم زمانه
***** ***** * بشلفا معطبه ويا الرهافي
ألا ياجدنا أجود سلامي
****** عدد من حج بيت الله وطافي
عظيمٍ حاكمٍ ممدوح سيره
******* * أصيلٍ معدنه والطيب ضافي
ينومسنا مفاخر قد بناها
****** *** ** كربمٍ ماجدٍ ماهوب جافي
خليج العرب وشعوبه بمانه
************** يطيعونه حواليه التفافي
وجلفارٍ بتشهد مع عماني
******* جيوشٍ لا ومر جوه اصطفافي
ولا تِنسى فعول القرم مقرن
********* ** خطم الاعدا وذللها عسافي
شهيدٍ قد دقم جيش الصليبي
*** * *** ** ومن والاه من قومٍ ضعافي
وقف مقرنٍ بوجه البرتغالي
*********** جسورٍ صاملٍ ماهو يخافي
فنحيا بخير في عز وكرامه
*********** فعيش الذل ذا شيٍ يعافي
ألا يا لابتي لاد العقيلي
***** **** ميجهل مجدكم ياكود هافي
ونا علمي ليا قلته موثق
****** ***** حقايق ماتبي مثبت ونافي
حباكم ربكم طيبٍ وفوقه
******* * **** لكم سمعه تصدر بالغلافي
لكم ماضي لكم حاضر مشرف
**** * *** لَسَمْعَه ممترض قام امتعافي
عقيلي والفخر مكسب يمينه
********* جدعنا روس من بين الكتافي
وردنا للمنايا ثم شربنا
************ فناجيل الحكم مابه كلافي
حكمنا الشرق مع نجدٍ وسدنا
********* ** *** أثار الملك ماجاها تلافي
سل الأحساء ستنبيك المآثر
************* ولو تنطق تزلزلك ارتجافي
ألا يالفخر فخري بالعقيلي
*********** بينصفني ألا طيب انتصافي
حفيد ملوك والسلطان جدي
*************** ربيعٍ مجدنا ماهو جفافي
لنا ذيدان قد وسمت وداجت
******* ******* متيهةٍ فِمسراح وهدافي
نصاب السيف وسمٍ للعقيلي
******* *** يمين ارقابها ترعى الفيافي
عقيلي من جبور العز حنا
**** ** **** خوالد تكرم بكبر الصحافي
خوالد قد حمو بيض الحبارى
************ * لسطوتنا حكى كلٍ يكافي
وكم شيخٍ وسط قدرٍ طبخنا
************* مانفعه جر صوته بالهتافي
بني خالد ونفرق عن سوانا
****** *** **** بحكمٍ ثابتٍ ماهو خرافي
لنا عملة تسمى بالطويله
******* * صحايف مجدنا ماهي خفافي
ترى الطالات ماهي بالسهايل
******* خسرها مندفن وسط اللحافي
* ختام القول قافٍ قد بدعته
***** * سمان الهرج يفرق عن عجافي

حسن بن فهد آل طلحاب العقيلي الخالدي

٢٨ / ٥ / ١٤٤١ هجري

بواسطة : admin
 0  0  260
التعليقات ( 0 )