• ×

12:25 مساءً , الأحد 6 رمضان 1442 / 18 أبريل 2021

#الشاعر #عبدالله_فهد_الضليعي الخالدي #مدرسة الدنيا

زيادة حجم الخط مسح إنقاص حجم الخط
دهام الرطبي #الشاعر #عبدالله_فهد_الضليعي الخالدي #مدرسة الدنيا
#رابط #الفديو #على #قناة #بني_خالد
https://youtu.be/65Ta_AwjGEs


#شعراء_بني_خالد #بني_خالد
"مدرسة الدنيا"
دنياك هاذي مدرسه بلا شنط ولا كتب
مشرعه طول السنه للعالمين ابوابها
متفاوتين الناس فيها بالمراتب والرتب
هذاك يمدحها وهذا لا ذكرها عابها
ما تعلمك بالطيب لكنها تعلم بالغصب
ولا يفيدك درسها لو ما يعضك نابها
قليل من فيها نجح كثير من فيها رسب
وأنا تمرست ووعيت حسابها واعرابها
ما ابديت لو عانيت واستبسلت صابر محتسب
والله على الدنيا كفيل الخلق يوم حسابها
في كل يوم تجيك باللي تحب واللي ما تحب
ما دمت فيها حي لابدك تشوف سنابها
الصدق سلعه كاسده والسوق كله للكذب
لواسفا يا اهل المبادي هالبشر وش صابها
من معرفتهم تنقصك البعد عنهم مستحب
ابعد عن الشجره ولا تآمن عقوبة دابها
من عادة عيال النسا ماهم يثنوّن الركب
لازم يردون الطلب لأم الحجل وخضابها
الرجل تعرف وقفته بالضيق والوقت الصعب
والا الرخا كلن يقول انا لها و اولى بها
واحذر قليل الخاتمه يطرحك بحبال النشب
واياك لا تستفزعه لو قال انا عرابّها
لو تدخله في مشكله يزيدها شبوب وحطب
والوقت ما يرحم رجالٍ ما تعرف اصحابها
افجالد مصاعبها واذا عزمت فأتبعها سبب
المسلم الكيّس فطن يبذل ولو يبلى بها
المرجله ماهي بكبر الجسم والا بالشنب
دوك الجبير الصيرمي ليثن يهز اكلابها
واثنين لا تآمنهم بحالة رضى والا غضب
صنفين لا يخدعك لين اسلوبها وخطابها
الحاسد اللي يدّعي بالحب وقمه فالأدب
والمبغضين اللي حَقَدَها من تحت جلبابها
راعي الحسد ما يغني عن مالهُ وما كسب
ما غيرت اهل القلوب السود بيض ثيابها
دنياك راحتها تعب واحوالها كلش عجب
ما اهبلك يلي تجذبك وتظن حزت اعجابها
هذي نصيحه عابره ولاهي مشاريه وعتب
الله يرحم من وعاها وقلب من وصّى بها
مما طرالي في جمادى واعتمدته في رجب
الوقت يظهر صادق الكلمه ومن كذابها
الناس علمن ما يدرّس بالجوامع والخطب
بمخالطتك الناس تعرف ورَدَها واحرابها
سلام للي خوته انهار واظلال ورطب
بيوت عزك بالصخى يمس عنك اطنابها
اليا زهمته قال تم واحد ويسوى له عرب
جعله ومن رباه في جنه تفوح اطيابها
ماهو من اللي واقف بعيد ويتابع عن كثب
يراقب الموجه متاها تجيه ثم يرقى بها
لولاه ينهاني لاعرّض باسمه وقولي وجب
لا أعدّه ولي الشرف في خوتن نزهى بها
ان كانوا اكرام اللحى فضه حرام انه ذهب
نادر ومن نوادرن تعرف بطيب انسابها
وصلى وسلم على المبعوث بلسان العرب
اعداد من طاف وسعى في مكه وصلى بها
#عبدالله_فهد_الضليعي_الخالدي

بواسطة : admin
 0  0  75
التعليقات ( 0 )