أبيات مهداء للشاعر / فهد بن دعيرم الخالدي

 بسم الله الرحمن الرحيم

الاخ الغالي / فهد بن تركي الدعيرم الخالدي سلمه الله
السلام عليكم ورحمة الله وبركاته
ابارك لكم بالمولود هزاع
جعله الله من مواليد السعاده وانبته نباتا حسنا ورزقكم ووالديكم بره

اليك متواضعتي


يارب باسمك وانت خافض ورفاع
تجعل لنا من باب يسر العباده
يامحصيٍ ناس وشجرها ورتّاع
سامع دبيب النمل بحالك سواده
منزل مطرها من سماها على القاع
باسمك بديت القاف هذا مفاده
لابن دعيرم لا ندهته بفزاع
جت فزعته يفزع بكل الإراده
مبروك يا فزاع مبروك هزاع
يارب جعله من بكور السعاده
عساه حرزٍ لك عن الحق دفاع
وعسى الترف من والديه بزياده
عساه ممن له يشاور بالاصباع
عسى بكور الخير له هي قلاده
يالله ببرٍ لك ولامه بالاجماع
ولوالديكم بر وكله إفاده
ويالله عساه لسنة الدين تباع
ويالله عسى القران نهله وزاده
ويالله عساه لكلمتك دوم سماع
وللطيب ساس مثل باقي جداده
ويالله تكفيه المصايب والاوجاع
ويارب يجعل لك بطيبه إشاده
ويارب فاله خير اعن الشر جزاع
وتجعل بروحه صبر وكله جلاده
وختامها صلّوا على زين الاطباع
محمد نبي الحق راع الشهاده