#الشاعر محمد الدخيّل الخالدي حنا بني خالد

دهام الرطبي #الشاعر
محمد الدخيّل الخالدي
حنا بني خالد
#قناة #بني_خالد
https://youtube.com/shorts/e96dEGI2Flg?si=u5yoYz2ZvG_EK6AN

بديت بالرحمن علاُم الاقدار
الواحد المعبود منشي المخيلة
بدعت من فكري جزيلات الاشعار
وابني بيوت من النوادر مثيله
ونكيف الذايق على بن وابهار
النٌدر اللي في الموازن ثقيلة
يامرحبا في عزوتي عد الامطار
وعداد مالاحت بروق المخيله
يامن سأل عني من ايات الاقطار
والا من ايات العرب تنتمي له
انا حفيد المجد من نسل الاحرار
ابن الوليد من الدهات المهيله
خالد بنى في صدر الإسلام تذكار
تاريخ مجد بسيرته ينحني له
وديارنا دول على جال الابحار
وارض الجزيرة سيفنا يحتمي له
حنا الخوالد لا عتلو قب الامهار
يرون عطشان السيوف الصقيله
حنا الخوالد من طويلين الاشبار
قومٍ هل الطالات دايم طويله
حنا الخوالد لا عتزو شبت النار
لهايب تحرق كبودٍ معيله
حنا هل الحيزا اليا صار ماصار
حتى الورع منُا يناطح قبيلة
البرتغالي مانفعه طول الاسوار
قدم الخوالد اللي تروي غليله
والتركي جرعناه من كاس الامرار
وخيولنا ف الهيُه تسمع صهيله
ونارد على عد المنايا والاخطار
ندعس على العايل بقدح الفتيله
تاريخنا حنا كما ضلع سنجار
راسي على مر السنين الطويله
عز الفخر يالابتي سر واجهار
نوماس يبرق ف المزون المهيله
وانا اللي مخاوي من الجن طيار
لا شاش راسي عند ربعي دليله
وختامها صلو على سيد الابرار
على النبي اللي دعى للفضيله