#كلمات/ناصر بن حمد الخالدي #يا اللي تحب الطير

الشاعر (يا اللي تحب الطير)

امنوّلن نقنص مع الصبح واعصير
الصيد واجد من يمين ويسارا

واللي نواجه كل ابوهم صقاقير
ولا نشوف اهل المواتر تبارا

واليوم جيل اسناب واثبت بتصوير
ان طيرك ايعرف ويصيد الحبارا

ويا اللي تحب الطير وتقدّر الطير
روابع الصقّار قامت توارا

ما عاد بالمقناص يا ربعنا خير
وما عادبه لهل الممارا ممارا

الله بلانا بالغشم يا المناعير
اهل التبوع الخايسه والوكارا

كلمات/ناصر بن حمد الخالدي