• ×

09:01 صباحًا , الثلاثاء 9 رمضان 1445 / 19 مارس 2024

#الشاعر #حسن بن فهد آل طلحاب العقيلي الخالدي هذي القصيده، إهداء إلى ابن العم الغالي الكفو، الدكتور سعد بن محمد بن فهد آل طلحاب

زيادة حجم الخط مسح إنقاص حجم الخط
 #الشاعر #حسن بن فهد آل طلحاب العقيلي الخالدي
#رابط #الفديو #على #قناة #بني_خالد
https://youtu.be/joSLhn6klOg


الشاعر حسن بن فهد آل طلحاب العقيلي الخالدي
هذي القصيده، إهداء إلى ابن العم الغالي الكفو، الدكتور سعد بن محمد بن فهد آل طلحاب.



عيَّنت منهو يرتكي للثقايل
بابه لفزعات المطاليق مفتوح
اي والله اللي برفع الصوت قايل
دام الكفو موجود فالكل مسموح
بضرب مثل وابدع بضرب المثايل
حَوايجي كبشٍ بيمناه مذبوح
يقدم على الصعبات ماهوب سايل
قرمٍ بنى في كل مجدٍ له اصروح
سعدٍ غدا في النفع مثل المخايل
صدقى بروقه مغدقاتٍ لها وضوح
وقف يقول أبشر ولوهي هوايل
ونا معك محزم ويَبْعَد بي الشوح
ياسعد بن طلحاب والشك زايل
سمعتك مثل الطيب زبَّاد ويفوح
جمَّلت ربعك يا كثير الفضايل
طيبك سجيه ماتدور لمصلوح
يابو محمد ونت للحمل شايل
جلّيت عني هم يصعب به البوح
جدك وبوك اللي لهم فعل طايل
مضرب كرم مدهال وارد وذا يروح
يشهد لهم تاريخ كله دلايل
ذكرٍ ينومس في السما دايم ايلوح
يالله تجازي كل طيَّب فعايل
بالخير والتقوى ويسلم من اجروح
أثر الحياة ادروس صامل ومايل
أحدٍ يحل الصعب وآخر كما اللوح
من سرني لامن همي تهايل
سرّيت عينه لو بغى نبذل الروح
بقبل عذر، كل النشامى لصايل
لعذار نقبل كل غامض ومشروح
لخطى رفيقي، شمت مانيب كايل
لو الخطى خذلان؛ منسي ومدموح
واللي بصدره صوبنا به غلايل
ياجعل فاله للخساره ومفضوح
يارب سق لي من عطاكم جلايل
يارب انا ابابك ذليلٍ ومطروح

حسن بن فهد آل طلحاب العقيلي الخالدي،
سناب /hfmtk
ليلة السبت ٩ / ٦ / ١٤٤٢ هجري.

بواسطة : admin
 0  0  1.4K
التعليقات ( 0 )