• ×

02:40 صباحًا , الجمعة 19 رمضان 1445 / 29 مارس 2024

مفتاح الفرج الشاعر حمد الدليهي

زيادة حجم الخط مسح إنقاص حجم الخط
 مفتاح الفرج الشاعر حمد الدليهي
رابط الفيديو على قناة بني خالد
https://youtu.be/OMRWyO2p_RY

الصبر مفتـاح الفـرج والطيـب منهـاج القـروم
والـرازق الله ربْـنّـا المعـبـود ومحـمـد نـبـي
الصح في عكـس الخطـا والنـاس تفنـى ماتـدوم
والذيـب ماهـرول معـه مـن خلقـة الدنيـا ظبـي
نورٍ يشعشع من قمر يقضي على نور النجوم
العـرف بالتقـوى يفْـرّقْ بالعـجـم واليعـربـي
انـا سلـومـي ماتخـالـف يامخالـف للسـلـوم
مهمـا ومهمـا فـي زمـانـي ماتغـيّـر مذهـبـي
نظرات عيني مـن ورى مـن رف جنحانـه يحـوم
مالدهـا للأرصـفـه والا عـلـى حــد ركـبـي
وقت المهمه حاضرٍ ماغيّبْ في وقـت اللـزوم
يقطعك يـاراسٍ علـى حـزة لزومـه يختبـي
يامعاشر الجربا لعلك فـي مطاحـك ماتقـوم
ان قمـت يابعـد الشفـاء عـن حالتـك يالأجربـي
ماعاد يرضينـي مصافـح منّـك وملامـس خشـوم
حتـى ولـو حججتنـي مـن فـوق راسـك وتحبـي
اللي عـرف روس الشـلاوى ماجهـل روس البقـوم
النار نـاري والحطـب فالنـار ماهـو بحطبـي
النايفـات اللـي عليهـن يشهـر الحـر العـزوم=ماهـن مداهيـل الغبـي ياللـي تـمـرون الغـبـي
قولوله اني عن سواليفه وعاداته اشوم
نفسي مْنزها ويمنعني صداي ومنسبي
مابانت الشهـره علـى المجحـود فـي ليلـه ويـوم
مغشوش بنحاسـه وانـا معـروف بأسمـي وذهبـي
اللي تغـادر رحلتـه ماعـاد له عندي قـدوم
يروح مـرواح القطـا ويمـوت مـوت التغلبـي

بواسطة : admin
 0  0  1.1K
التعليقات ( 0 )