- محمد عوض الشمردل ال مطر الخالدي - إهداء إلى حسين علي بن مطخان المصلوخي العنزي

محمد الناعم - محمد عوض الشمردل ال مطر الخالدي -
إهداء إلى حسين علي بن مطخان المصلوخي العنزي
على الشمال ان جيت يم القريات
عليك باللي فاتح ن دوم بابه بني
تلقى الكرم والطيب في كل الاوقات
مع دلة ن بالهيل ضد الكآبه
عند الكريم معرب الخال والذات
حب المراجل يعشقه من شبابه
تجيه من كل القبايل جماعات
توافدوا من كل ديره ولا به
منزالهم عالي بروس الطويلات.
يشوفهم منهو بعيد ه اركابه
ياما عطيتم بالسنين الشحيحات
يوم الفقر والجوع زاد ب عذابه
ما يذبح إلا بالصواني سمينات
ماخذ کرم حاتم بعزم وصلابه
أهل الوفا والجود فيهم علامات
مداتهم لضيف مثل السحابه
افعالكم ياحسين ماهي خفيات
سطر بها التاريخ مجد الكتابه
فازوا بها الويلان من ماضي ن فات
يوم الزمن كشر على الناس نابه
سيف الشجاعه باسمكم والبطولات.
الصاعدي لا فز كل ن يهابه
يكفيكم اللي بالعشا صوته ثبات
يوم الردي واللاش ماحدن درابه
فيكم سليل المجد حكام هامات
نسل الملوك اللي عزيز ن جنابه
هذه الحقيقه قلتها بنظم الأبيات
لوتنشد التاريخ هذا جوابه
وأنا المطر ربعي صناديد سادات
خوالد ن هبس الفخر والمهابه
سلايل اللي صيتهم حي
مامات
سيف الله المسلول نعم الصحابه