• ×

03:52 صباحًا , الأحد 14 ربيع الثاني 1442 / 29 نوفمبر 2020

#شعر سعود #موسى الشاعل #قصيدة بمناسبة #زيارة امير الجوف #الامير فيصل بن #نواف للوالد #موسى الشاعل الخالدي

زيادة حجم الخط مسح إنقاص حجم الخط
زيدالقصير #شعر سعود #موسى الشاعل
#قصيدة بمناسبة #زيارة امير الجوف #الامير فيصل بن #نواف للوالد #موسى الشاعل الخالدي.


قصيدة بمناسبة زيارة امير الجوف الامير فيصل بن نواف للوالد موسى الشاعل الخالدي في مستشفى الامير متعب بن عبدالعزيز

شعر : سعود موسى الشاعل

مرحبا بالجوف ياطير حر ٍللهداد
منهجه حاوي على العزم والراي السديد
طير حر ٍلانتهض بابرق الجنحان صاد
فيصل اللي نافل ٍ نادر ٍشغموم صيد
صيدته في مخلبه مادخلت بأرض المزاد
صيده الجزلات والرشد واكعام العنيد
الفرح بزيارتك جاش بأعماق الفؤاد
ياهلا تردف هلا فيك من موسى وتزيد
جيتك كانت تباشير وأفراح وضماد
للشهم والسمح والله على هذا شهيد
مرحبا يا امير ياوجه خير ٍللعباد
مرحبا حييت ياحي ذَا الوجه الرشيد
يا سحاب ٍ ارتكى ويرعد المنشأ مداد
بارق ٍ تمطر مزونه وترزم من جديد
عودت واستبرقت وألحقت مزن ٍجداد
وابل ٍهمال بالخير واستبشر عبيد
عمت البلدان والشرق وأطراف الحماد
تمطر وتسقي على الجوف بالفعل الحميد
والله انك تاج يا الليث ياسبع المهاد
صيرمي ٍمن نضايض هل العوجا فريد
نسل من طوع تخاتيخ وديار ٍبعاد
ساد وارهى في دياره بكف ٍله مديد
نسل من وحد جيوشه ونادى للجهاد
أسس أركان ألجزيره على الشرع الاكيد
شاد ملك ٍما تشيد أبد من دور عاد
شيده ويفداه شعب ٍلحكامه عضيد
الولاء وطاعة الامر معقود انعقاد
بيرق ال سعود منحوت في حبل الوريد
نفتخر بأمجاد حكامنا بيض الآياد
عمت الخيرات والشعب في عزه سعيد
قادوا الامه على الحزم والعزم ورشاد
واردين ٍبالفخر قمة الصرح المشيد
عايشين ٍ في مسرات وإنعام اوداد
في ذرا سلمان بالامن والعيش الرغيد
سيد ٍمن سيد ٍمن مطاليق السياد
حاكم ٍمن حاكم ٍوارث المجد التليد
شع نور محمد السيف ضد الاضطهاد
فضله ربي على شيوخ وحكام ٍوسيد
عالي ٍفي هامة المجد غيث ٍللبلاد
سيد الأخلاق والفكر لطام الضديد
وانت لك في ماقف المجد منهاج و زناد
وانت لك في محفل العز ميعاد ورصيد
انشرح بقدومك الصدر ويطيب الرقاد
من فؤاد الجوف فيصل لك عيون القصيد
ياجناب العز يالدرع يالحصن المشاد
فالك الامجاد يالشهم والعمر المديد
والختم صلوا على خير خلقه باجتهاد
عد ما غرد حمام ٍعلى خضر الجريد

بواسطة : admin
 0  0  686
التعليقات ( 0 )